يا ســاكـــنة القـلــب: حلوة يا بلدي

Friday, 29 June 2007

حلوة يا بلدي

مش عارفة ليه افتكرت الأغنية ديه أول ما شفت
الصورة ديه
بس شتان طبعا بين الأغنية لما كانت داليدا بتغنيها .. وبين الأغنية دلوقتي
بغض النظر عن أي حاجة
بس زمان كان ممكن نقول حلوة ونعديها
بس دلوقتي .. حلوة على أي أساس يعني
هي الحلاوة بالعافية يعني
أو جايز أنا مش فاهمة إيه هو المقصود بالحلاوة

اه كنا بنقول إيه صحيح
كنا بنتكلم عن الصورة
الصورة ديه بتوضح إن مصر تحتل المركز ال 36 في قائمة أفشل دول في العالم
حلوة يا بلدي
مين بأة الدول اللي تلينا في الترتيب
وبالتالي افضل من حيث الأداء
انجولا
اريتريا
موريتانيا
كرجستان

و وا وا .. حلوة يا بلدي

18 comments:

safa7_karmooz said...: وهتفضل حلوة فى نظرى برضه ....

:); 29 June 2007 at 23:45
Abeer said...: هي حلوة .. بس مش بالكلام
مينفعش اغمض عيني عن الوحش واشوف الحلو بس
لازم اشوف الوحش علشان اعرف اخليه احلى
اسعدني مرورك جداا :); 30 June 2007 at 00:02
وشوشني said...: اه فيها الحلو الوحش بس لازم نعترف بالوحش زي ماقلتي عشان نقدر نغيره; 30 June 2007 at 01:05
veticohaya said...: salam alikom...
عبير باشا..هو دا الفرق بين حلوة بتاعتي وبتاعتك...لاء حلوة بتاعتك احلى..
بصي مصر بلدك مش هتغيرها سواء اقنعتي انها حلوة او مش حلوة..
وبعدين هي حلوة لو اتقارنت بالدول تانية..
بس على فكرة هي حلوة برده...فيها الي مفيش عند غيرها..
يلا وا وا وه..
:); 30 June 2007 at 05:37
The Manager said...: جميل موضوعك يا فندم

لسة سامع دكتور على جمعة بيقول ان مصر حلوة وهتفضل حلوة بشعبها

لأن شعبها بيحب سيدنا النبى صل الله عليه وسلم وآل بيته الكرام اكتر من اى بلد تانى

وسيدنا رسول الله بيحبها

اصل إللى بنا مصر كان حلوانى :D

فى بس ازمة بنمر بيها وهتعدى إن شاء الله ولو معدتش يكفينا حب رسول الله وأهل بيته وينقصنا الإقتداء بيهم والعمل بسنتهم وبس

والسلام ..; 30 June 2007 at 07:04
محمد مصطفى said...: منطقي جدا
أمال يعني هيكدبوا علينا
بديهي ان بعد كـــــــــــــــل اللي حولينا ده نبقى في المرتبة الجميلة دي; 2 July 2007 at 10:50
Abeer said...: وشوشني

شكرا على مرورك وكلامك مظبوط لازم نشوف الوحش علشان نقدر نغيره

________________________________

فيتيكوهايا
نفسي اعرف ايه اللي فيها مش عند غيرها; 2 July 2007 at 13:40
Abeer said...: the manager
كلام حضرتك جميل
بس
الازمة مش هتمر لوحدها
ولو ممرتش
هنفقد كمان حب رسول الله
مش معقول هنفقد كل ما هو جميل .. وهنتمسك بده
ده حتى التدين دلوقتي في منحنى نازل; 2 July 2007 at 13:43
Abeer said...: مادو

شكرا على مرورك
واحب ابشرك ان شاء الله لو الظروف استمرت كدا هنحتل المركز الاول بلا منافس
:(; 2 July 2007 at 13:45
rack-yourminds said...: اكيد مصر الان مش هي مصر الحضاره والتاريخ بس ان شاء الله هترجع حضارة مصر بايدي ابناءها الشرفاء ,لكن ضروري نتفاءل شويه ومنخليش اليأس يتمكن فينا; 4 July 2007 at 15:25
Abeer said...: This comment has been removed by the author.; 6 July 2007 at 03:06
Anonymous said...: السلام عليكم
الموضوع حلو اوى بس قبل مانقول حلوة يابلدى ولا وحشة سالنا نفسنا الاول احنا حلوين ولا وحشين؟؟؟؟؟؟؟؟؟; 6 July 2007 at 03:12
Abeer said...: واحد

كلامك مظبوط جدا ..احنا محتاجين زمزمية امل

اسعدني مرورك جدا
:)
_____________________

منمن
:) منوراني واسعدني مرورك; 6 July 2007 at 03:17
Anonymous said...: بصوا يا جدعان
انا بحب الاغنيه بتاعه داليدا
والله مصر حلوه يا شباب
بس هو الحال بس
وبينا ان شاء الله هترجع حلوه

بس نقطه حلوه يا عبير
انك تبيني ان احنا لمستوي واطي اوي كده
علشان نبقي عارفين احنا هنقدر نغيرها ولا لا

فاهمين حاجه؟؟؟

ولا انا فاهم....؟

يلا خير; 15 July 2007 at 01:05
Anonymous said...: ان شاء الله كله هيتعدل

والدنيا هتبقي بامبي في بامبي علي رأي المرحومه سعاد حسني; 15 July 2007 at 01:10
و القادم....أجمل said...: مصر حلوة فعلا بشعبها
و فيه زي اي بلد
السلبيات و الإيجابيات
و الاتنين اللي بيتحكموا فيهم
احنااااااااا

مودتي

:); 15 July 2007 at 19:07
دكتور كسلان said...: منهم لله اللى خلونا نكره بلدنا
فعلا البلد فيها حاجات كتير وحشة
بس لو احنا حاولنا نصلح نفسنا الاول
وبعد كده نحاول نصلح الحاجات دى
ان شاء الله نشوف بلدنا حلوة تانى; 18 July 2007 at 02:03
Abeer said...: دكتور كسلان

انت بتكره البلد
تؤ تؤ
تلاقيك مشربتش من نيلها; 18 July 2007 at 21:32