ركنت العربية جمب الرصيف ونزلت منها فتاة في مطلع العشرينيات
سلام نشوفك بكرة
سلام
وبتعدي الشارع في أمان الله وعينها لمحت على الارض حاجة فضة مدورة متناهية في الاصغر والصدأ بدأ يزحف عليها
كملت طريقها عادي جدا لبيتها وفي الطريق ابتدا الحوار
ده شلن
غريبة .. بأة الناس الكتير ديه كلها محدش شافه
طيب انا ليه مخدتوش أنا كمان
!!!!!؟؟؟؟؟؟
وصلت بيتها وموضوع الشلن ده شاغل بالها جدا
قعدت مسترخية بتحاول تفتكر ذكرياتها مع الشلن وغمضت عينها
بس مفيش فايدة مفيش اي حاجة من ذكرياتها بتطلع
جربت تاني
بردو مفيش فايدة .. الصورة بلاك قدامها
غمضت تاني وشكل عينها المرادي يديلك ايحاء انها بتحارب جوة صندوق ذكرياتها وعمالة تقلب جوة علشان تلاقي اي ذكرى للشلن ده
أهو .. أخيرا في حاجة بدأت تظهر
صورة أطفال بيلعبوا في الشارع
وواحد منهم لمح بعينه شلن .. اعد يرسم ويتكتك ويتحرك بمنتهى الهدوء لحد ما وصل جمبه
وحط رجله عليه .. وصرف نظر باقي اصحابه لحاجة تانية
الحقوا ايه اللي هناك ده
وبسرعة ايدة لقطت الشلن من على الأرض
هيييييييييه لقيت شلن
لأ أنا اللي شفته قبلك وكنت ناوي اخده
لا ماليش دعوة انا اللي خدته
وعلشان هي تعبت أوي علشان توصل للصورة ديه .. راحت في النوم
وصحيت تاني يوم .. وسبحان الله
لقت الشلن مرمي مكانه على الأرض
المرادي مسابتوش ومشيت زي المرة اللي فاتت
خدته وحطته في جيبها وقررت الاحتفاظ بيه
بعد ما روحت البيت بتفتح العلبة اللي بتجمع كل ما هو متعلق بذكرياتها
بس للأسف بتمد ايدها في جيبها .. ملقتش الشلن
حد فهم حاجة
فهم كينونة الشلن متروك لخيالكم
تحياتي
36 comments:
بجد بجد بجده رايى اننه بوست راااااااااااااااااااااااااااااااااااااااااااائع بجد فكرة هايلة مش عارف اقولك اى الجميل اوى انك جبتى فيه حاجات كتير اوى ........انتى عارفة انا كنت من العيال دول وانا صغير بس بصراحة مش لدرجة شلن لو بريزة ماشى....اول مرة ادخل مدونتك واكيد مش اخر مرة
رااااااااااااااااائعة يا عبير..., و اثرت في بحق ....و اثارت عاصفة من المشاعر و الافكار من الماضي و الحاضر ..,
بوست في منتهي الروعة ....و اكيد هابقي من زبائنك الدائمين ..,
:]
مساء الخير
حيرتينى يا عبير
يا ترى تقصدى إيه باختفاء الشلن؟
واذاى البنت ملقيتهوش رغم انها حطتو فى جيبها؟
يمكن جيبها كان مخروم مثلا
هههههههههههه
والله حيرتينى بجد
طيب حرجع اقرا البوست تانى يمكن افهم
بس لو مفهمتش كمان لازم احييكى على الفكرة الجميلة والصورة الى صورتيها وعبرتى عنها .
تحياتى العميقة
happy dreams
والله يا عبير انا مش عارف بالضبط تقصدى ايه
ولا اقولك جت لى فكرة
هى اصلا ما رجعتش تانى فى الواقع لانها كانت بتحلم انها رجعت واخدت الشلن
والموضوع كله حلم فى حلم
صح ولا ولا؟
لو كلامى غلط حاولى ما تحرجنيش يعنى علشان منظرى امام الاخوة المدونين وكده
هاتيها بصنعة لطافة شوية
ماشى
سلام يا عبير
ممكن نلاقى حاجة.. وتلفت نظرنا.. بس نسيبها ونمشى
تتعلق بذاكرتنا بعض الوقت.. نشعر ان لها قيمة او معنى
ويقودنا وهمنا الى مكانها مرة اخرى
ومن فرط اهتمامنا بالحصول عليها نتوهم اننا وجدناها
وعند لمسها.. يتضح لنا انها اوهام.
ويبقى الدرس.. الذى قد نتعلمه .. او قد يسقط من ذاكرتنا.
تحياتى لك على هذا البوست
كاميليا
جميل اوى سردك لموضوع الشلن
شدنى وخلانى افكر قصدك ايه
صوره الطفل وهو بيحط رجله عليه ومناورته عجبتنى وفكرتنى بشقاوه الاطفال دلوقتى لو حد لاقه
حايجيب به ايه اللى
عايز ياخده ياخده
مش محتاج عناءاو مناوره
بس اناعايزه اعرف
قصدك ايه
وتحليل كاميليا عجبنى اوى
حقيقى بوست جميل جدا جدا
كعادتك رائعة يا عبير
اللي فهمته ان الشلن ده هو الحلم اللي بنحلمه ونرسمه في دماغنا ونعيشه مع نفسنا وبس.... لدرجة اننا مش بنقدر نفصل بينه وبين الواقع..الي ان ياتي الواقع بمرارته فيصدمنا
على فكره يا عبير
اللى وصلت له
ان الفضه اساسا السواقين مش بيرضوا يخدوها
ليه؟؟؟
no chance
منورني بزيارتك الاولى واللي ان شاء الله متكونش الاخيرة
وربنا يخلليك على الكلام الجامد ده
kareem sadek
ربنا يخلليك يا كريم
وزيارتك ديه حاجة تشرفني طبعا
:)
ghalia
ههههههههه جامدة جيبها المخروم ديه
سلامتك من الحيرة
انا كنت اقصد انه مجرد سراب مش اكتر
يعني جيبها سليم اطمني
:D
كفراوي
صباح الخيييييير
أبو سويلم
لا طبعا انت صح
بس كلمة بيني وبينك من غير ما حد ياخد باله مش ده قصدي
انا اقصد بالشلن كل شئ جميل مفتقدينه
واتهيالنا اننا لاقيناه بس طلع سراب
كاميليا
بحييكي بجد .. انتي قدرتي توصلي تقريبا للي اقصده
اشياء جميلة بنفقدها بمرور الوقت
وبنتوهم اننا لاقيناها
تحياتي بجد
klmat
حقيقي ببقى سعيدة لما بشوف تعليقك عندي
وهو فعلا زي ما كاميليا وضحت
:)
هدير
ربنا يكرمك
تفسيرك منطقي جدا
وعجبني اوي
e7na
ليه بأة السواقين مش بيرضوا ياخدوها
هنا مربط الفرس
أنا لو معايا شلن حروح على النيل واتمنى أمنية وأرمي الشلن وهناك حكون مطمئنة إنه في مكان أمين ومحدش حيقرب منه.
بوست رائع بجد .. وشكرا على زيارتك
والله يا عبير أنا دايماً كنت بحب "الشلن"اللي عليه الأهرامات عارفاه؟؟
انما دايماً مش عارف ليه يقع حظي ف "الشلن" اللي عليه القلة
الظاهر فيا شئ لله بيخللي "القلل" تدور عليا ومتسبنيش
تحياتي
يمثل الشلن الفضه عندى الرزق عندما رأئته بطلع القصه وتركته دون اى اهتمام اصبح من نصيب غيرها
وعندما عادت فى اليوم الثانى للاخذه كان قد قدر ان يكون من نصيب غيرها بالفعل
لهذا ذهب لمن هو اهله
صديقتى الرزق ليس بقيمته ولكنه بمدى البركه فيه
ربما كان هذا الشلن هو المال الوحيد الحلال معها واكلت منه ودعت دهعوة مستجابه بميلون جنيه فاعطاها الله هذه الدعوة اصبح الشلن يساوى الكثير
البوست حلو
وفكره حلوة
وطرح هايل
تحياتى
بجد رااااااااااااااائع لبكرة
تصفيق حار بجد
انا اول مرة احس بالشلن كده !!
بجد تسلم ايدك على البوست الجميل اوي اوي اوي اوي اوي اوي اوي .
تحياتي
بصي يا عبير انت صعبتيها
بس انا رايي ممكن يكون قصدك ان سعات في حياتنا ممكن نبص للحاجه من بعيد ونحس انها الي احنا بندور عليه ولما نقرب ونلمسها نلاقي انه لا مش هيا لاننا شفناها من قريب على الحقيقه بس انا مش عارفه المشكله فينا ولا في الشلن قصدي الحاجه دي؟؟؟
بهنيك على افكارك وبتمنى لك التوفيق.
بصي يا عبير انت صعبتيها
بس انا رايي ممكن يكون قصدك ان سعات في حياتنا ممكن نبص للحاجه من بعيد ونحس انها الي احنا بندور عليه ولما نقرب ونلمسها نلاقي انه لا مش هيا لاننا شفناها من قريب على الحقيقه بس انا مش عارفه المشكله فينا ولا في الشلن قصدي الحاجه دي؟؟؟
بهنيك على افكارك وبتمنى لك التوفيق.
على فكره البوست دا جامد اوى
انا كنت عمال اقراه وافتكر ذكرياتى مع الشلنات
لحد ما سألتى السؤال بتاع الكينونه
حسيت انك استغفلتينا واشتغلتينا طول البوست
هههههههههه
طب تقصدى ايه بالشلن؟
rama
لو حد عرف انك هتعملي كدا هتلاقي اللي مستنيكي تحت اول ما ترمي الشلن علشان ياخده
anonymous
بس على فكرة الشلن اصلا بقا حاجة نادرة
يعني قلل قلل هو حد لاقي
momken
عجبني أوي تفسيرك لحكاية الشلن
وربنا يرزقك بالشلن الحلال ده
_______________________
احمد رفعت
متشكرة على كلامك الجامد ده
وبجد سعيدة بزيارتك
اريج الامل مروة يعني
تمااااااام انتي بجد سؤالك خطير المشكلة فينا ولا في الحاجة ديه
اعتقد انها فينا احنا الاتنين
وبعدين
مجتيش الامتحان لييييييييييه
_____________________________
حزيــــــــــن
اهم حاجة الذكرى هو ده بيت القصيد
كل ما هو ذكرى ومش في الامكان استرجاعه تاني
:)
البوست دخل دماغي او مخرجش منها
يمكن كينونة الشلن هي الذكريات اللي بتقع مننا ويمكن مش بنبقي عايزين نفتكرها ولما بنقرر اننا نشيلها كمجلاد زكريات برضو بتقع مننا لاننا مش عايزانها
تحياتي
هذه هى المرة الاولى لدخولى على مدونتك..
احساسك هايل وتعبيراتك واضحه وبالطبع ذات هدف واضح واتمنى لكى التوفيق
احنا ذكرياتنا مع " الشلن " كتيرة لكنها لم تعد تترك اى نوع من الفرح انما تذكرنا بحالنا الآنى مما يثير بداخلنا الحزن والالم
هستنى زيارتك
وهضيف مدونتك عندى
اخيرا اتمنى تنضمى الينا فى حملة
" فخور لأنى اتحدث العربيه "
التى بدأت فى مدونتى " بلا اسم"..ومدونة ابوسويلم... صاحب اساسى للفكرة
تحياتى وهستنى زيارتك
من كتر ما تداعب الاشياء التي نتمناها خيالنا نظن أننا قد أمتلكنها فعلا رغبة بداخل كل منا في امتلاك الاشياء التي نسعي اليها
وصفتى الشلن بذكريات مهملة
الناس مخدتش بالها منها
عجبنى البوست
وعجبنى اوى
ذكاء كاميليا فى التعليق
خالص تحياتى
بجد بجد
بوست جامد أوى يا بنتى
إيه دا كله كان مستخبى فين ده بس
أنا بصراحة مش عارف أقول ايه ولا ايه
انتى عارفه الشلن ده أوحى ليا بإيه
مش بالشلن بتاع زمان وبس لالالالا
دا بحياتى كلها زمان
وكل ذكرى لسه فامرها ليا زمان
الشلن ده عامل زى آله الزمن إنى أرجع لزمان وأشوف أنا كنت بعمل إيه وانا صغير
بجد بوست رائع رائع
ربنا يكرمك يارب
coca
شكرا لزيارتك الاولى وان شاء الله مش تكون الاخيرة
وكل سنة وانتي طيبة
السيد شبل
متشكرة جدا ليك
وان شاء الله معاكم في الحملة
____________________________
true love
:)
كلامك مظبوط
doha
خالص تحياتي ليكي ول كاميليا
كل سنة وانتم طيبين
:)
3abdo me7tas
بجد بجد منورني
وانا مبسوطة جدا ان الشلن المصدي بتاعي فكرك بحاجة جميلة ولو صغيرة
كل سنة وانت طيب
:)
السلام عليكم
البوست فكرته فعلا جميلة أوي
الشلن كان زمان بالنسبة ليا مبلغ و قدره
يعني ازاي الكوكاكولا كانت بشلنين
!!!!!
اه و الله
==========
الصراحه انا قريت التعليقات
:D
عرفت انه معني لكل جميل
و دا حقيقي
الشلن بالنسبة ليا
ذكريات
بحاول استرجعها
بس بخاف من الخطوة دي
لأني في الاخر
مش هلاقي الشلن
!!!
تحياتي و تقديري الشديد
:)
Post a Comment