Monday 28 July 2008

مفارقة

مش عارفة بصراحة أعلق على خبر براءة ممدوح اسماعيل مالك عبارة السلام 98 بايه 

حقيقي مش عارفة 

جاتلي حالة ذهول .. كان جوايا بيصرخ وبيبكي احنا مالناش مكان فيها 

خصوصا لما شفت ردود أفعال اقارب الضحايا 

وبعدها دفاع ممدوح اسماعيل المظلوم البرئ اللي الشعب المصري اتهمه ظلما وعدوانا 

الراجل الحر الابي الوطني اللي عنده اساطيل 

والدول بتبوس رجله علشان يروح يخلصهم من كام الف ويريحوا همهم 

المفارقة بأة اني قريت خبر هايل في الجورنال 

النيابة تقرر حبس مالك معدية مغاغة وسائق السيارة 15 يوماً

كانت تحقيقات النيابة في حادث سقوط سيارة ربع نقل من أعلي معدية جزيرة شارونه قد أكدت أن المعدية غير صالحة للملاحة وغير مرخصة للعمل كما أوضحت التحقيقات أن مرسي الجزيرة سيتهدم ويحتاج إلي عمليات تحجير وتحجيز

ولا عزاء لاي مقهور 

على رأي اللي قال 

دي بلدهم يابا

8 comments:

alexandrany said...

لسه بلدنا بس دي ضريبة لازم ندفعها يمكن نفوق في يوم من الايام

Mkjwe said...

إن مكنش هو يدلعنا مين هيدلعنا؟؟؟
هنقول اية بس غير حسبي الله ونعم الوكيل
تحياتي

blue-wave said...

بجد معنديش غير حسبى الله ونعم الوكيل

abo salah said...

بعد السلام عليكم

اللى له ضهر ما ينامش على البورش
وبعدين ممدوح اسماعيل راجل وطنى ساعد فى تخفيف التضخم السكانى
اما الراجل بتاع المعدية فيستاهل الحبس الصراحة لأن ضحية واحدة مش كفاية

دا بلادهم يابا
واحنا اصبحنا اللاجئين

حسبى الله ونعم الوكيل

تحياتى

momken said...

ربع نقل دم

حسبى الله ونعم الوكيل
هنقول ايه يعنى

تحياتى

momken said...

اين انت

ارجو ان تكونى بخير

Abeer said...

:)
انا في الدنيا
حقيقي اسعدني سؤالك عني
بعد غياب سنتين
اتمنى من الله ان تكون في خير حال

rack-yourminds said...

الغيااااااااااب طاااااااال اتمني تكوني بالف خير

وترجعي لمدونتك