التاج الاول .. وعلشان هو الاول طبعا لازم انقي حاجة كويسة كدا تليق بمقامي
:)التاج جايلي من عند ارتعاشات .. ربنا يقدرني واردهوله
نبتدي .. باسم الله
اسم مدونتك؟
يا ساكنة القلب
لماذا اخترته..وماهي نيتك من وراء اختياره؟
اخترته زي ما قلت في اول بوست
من اسم قصيدة قريتها وعجبتني جداا
وحسيت انه بيعبر عن اي حاجة ساكنة القلب .. مصر
اصحاب .. هواجس .. اي حاجة وكل حاجة
هل فكرت في إغلاق مدونتك؟..والسبب؟
هو احنا لحقنا لسة
اعتقد لو قفلتها .. يبقى السبب الوحيد اني مشغولة ومش قادرة اتابعها
ومظنش ده يحصل الا لو اتجوزت وخلفت 10
صورتك في المدونة..رمزيتها؟
بنت جميلة رقيقة جدااسكنت جوا قلبي من اول نظرة
ياااااا شكلي هقول شعر
لماذا دخلت عالم التدوين من الاساس؟
اول ما سمعت عن المدونات عجبتني الفكرة جدا
وحبيت ان يبقالي المكان اللي اعرض فيه اللي جوايا
حتى لو محدش هيقراه غيري
والمدونات بتدي الفرصة ديه افضل من المنتديات
اللي بتبقى متقيد فيها شوية بمقدار ثقافة اللي معاك
احلى جمله قيلت لك فى وصف مدونتك؟
اوك كان كومنت افتكر من دينا قالت انها رقيقة
وانا بضعف اوي قدام الجمل الحنينة ديه
التعليقات بالنسبه لك ..اهميتها؟
مهمة جدا طبعا
بفرح اوي لما الاقي حد منورني وبيرد عليا
بحس اني حاجة موجودة وليها قيمة
ده غير انها احيانا بتعرفني على مدونات ناس رائعة وبستفيد منها جداا
احلى بوست كتبته ...ضع اللينك ..ثم اذكر لماذا؟
انا مكتبتش كتير لسة
بس ممكن نقول
يوم مش زي أي يوم
بيفكرني بايام شفت فيها كتير واتعلمت فيها اكتر
أفضل مدونة قرأتها؟
طيب انا هستلف ردك .. اللي انت مستلفه اصلا
اي مدونة قريتها وسيبت فيها كومنت .. تبقى حلوة
:)
أفضل بوست قرأته؟ وضع لينكه؟
انا في حاجات كتير جدا قريتها وعجبتني
بس من اخر الحاجات اللي عجبتني البوست ده
كله في الافتوس كلايت
ومتسالونيش يعني ايه
حد قل ادبه فى التعليق..ايه رد فعلك؟
حد كان ناوي يتعدى حدود انا رسماها للمدونة
مسحت الكومنت بتاعه
المدونة نظيفة وهتفضل طول عمرها نظيفة
:)
أسوأ مدونة؟
منال وعلاء .. مش بطيقها
أسوأ بوست..أسوأ مدون؟
شرحه
هيحصل ايه لإيميلك لما تموتى؟
هوصي الورثة .. كل واحد يفتحه ساعة
اكيد هيتقفل لوحده
اديتى الباسوورد لحد قبل كده؟
لا مفتكرش .. بس اختي اصلا عارفة الباسوورد
كانت إيه طبيعة علاقتك بيه؟
علاقة صعبة حادة قابلة للاشتعال
اسمك؟
عبيــر
المشهور بيه وسط اصحابك؟ا
عبير .. بيرو
عمرك؟
هكمل 21 كمان شهرين
برجك؟
الميزان
مجال دراستك؟
الطب البيطري
شخصيتك نوعها إيه؟
شخصية حلزونية متقوقعة
:)
السفر بالنسبة لك؟
انا حياتي كلها سفر
ونفسي اخلص واسافر برة مصر اكمل تعليمي
المود بتاعك؟
مش غاوية نكد .. ماليش تقل عليه
بس لما بنكد بنكد اوي اوي
ربنا ما يوريكم
وقت فراغك بتعملى فيه إيه؟
نت .. قراءة .. خروج
الاكلة المفضلة؟
ممممممممممم البطاطس المقلية المقرمشة
فارم فريتس .. اي حاجة .. المهم انها بطاطس
الصفات اللي أخدتها من بابا؟
اني زمالكاوية .. وبحب السياسة
وحاجات تانية كتير
الصفات اللي أخدتها من ماما؟
الطيبة وحب الناس
اكتر ست حاجات بكرهها؟
الرخامة
الكدب
اللي بيجادل من غير علم
الكبر
الذل
واخيرا عصير القصب
الشغل بالنسبة لك؟
الخطوة الجاية ان شاء الله
وربنا يوفقني فيها واثبت نفسي
الانترنت بالنسبه لك؟
ادمــــــــــــــــــان
امرره لمين؟
سفاح كرموز
تخاريف دكتور
دكتور مستكنيص
احنا
كلمات اميرة
26 comments:
ايه الردود السياسية دى
وطلعتى زملكاوية كمان
التاج ده دلوقتى راح لمين؟؟
هه؟؟
اولا بجد بلوجتك حلوه بجد
ثانيا بجد الردود واقعه و مش متاله يعنى شيفها كانت ساكنه القلب وطلعت
:)
و فرحت لما لقيت حد غيرى زملكاوى
بخصوت البوست الى تحت انا اصلا كنت جى اكمنت عليه و لقيت نزلتى التاج
فهرد عليه هنا معلش عشان الموصلات
:)
هو لسه فى فعلا حاجات حلوه فى حياتنا
بس الفكره ان الناس دى
اتفرض عليهم الموضوعده من زماان فاتعودو عليه و جسمهم وحاجلتهم النفسيه خدت عليها
يعنى بالتساوى مع الحاجت الى بتحصل عندنا
و ممكن بلد تصور الموظف و هو شايل البطيخه و متشعلف فى الباص و يقول لسه فى حاجات جميله فى حياتنا
بس
و البوست الى قبله يوم غير او يوم فهقصر فى
بانه فعلا كتر من ابو بلاش
بس كده كفايا كلام
سلااااام
;)
انت فعلا تشرفى الدكاترة البيطريين
ردودك مختصرة ومقنعة
وفرحتى الزملكاوية وخلتيهم يقولوا انهم زملكاوية من غير ما يتكسفوا
بس للاسف انا اهلاوى
اسم المدونه رائع
وردودك قريبه اوى من ردودى لنفس الأسئله
ماليش فى الكره
بس تبع العيله بالوراثه يعنى اهلاويه
البلوج بتاعك جميل ورقيق
علشان نمس على الوتر
اسمحى لى ازورك دايما
سلامى وتحياتى
ماشاء الله ياعبير والله تاج لزيز ودمه خفيف وبجد والله اتبسطت ان البوست عجبك
واتشرفت اكتر اما مررتيلي التاج وبازن الله هجاوبه عن قريب
بس اجاباتك لزيزة والله ماعدا اجابة جدا بيضة بخطين حمر مش لاقية الا الزمالك تشجعيه؟
يالا مش مهم الزمالك حبيبنا برضه امال هنغلب مين يعني؟
ههههههههههههه
متزعيش انا بهزر والله
ربنا يوفقك واكيد هتابعك باستمرار
تحياتي ياعبير
انا كنت فاهم التاج ده حاجة سهلة بس والله طلع اصعب من الفيزياء
هى الدكاترة زعلانة ولا ايه ان لسه فيه زملكاوية
الكسلان والمستكنيص
لو لعيبة الاهلى زيهم؟؟
ياسلااااااااااام
السلام عليكم
انا طبعا عشان عارفة بيرو وردودها كويس ماليش تعليق الا عقبال ماتلبسى تاج فرحك ان شاء الله قريبااااااااا وبالمناسبة انا كمان زملكاوية جداااااااا
الناس الجامده للي بترد علىطول ديه :)
اجاباتك حلوه اوي والله :)
وكنت بتقوليلى انك مترددة تنزلى التاج عندك ولا لأ ده انت طلعت مخضرمة وبصراحة الاجابات متوازنة جدا وخفيفة او نخليها رقيقة احسن
تخاريف
من بعض ما عندكم
انت كمان ردودك جامدة
mamado
شكرا بجد على مرورك
وعلى كلامك الجميل
وفعلا انت عندك حق
الناس اتعودت على الهم
دكتور كسلان
ربنا يكرمك يارب
حلوة اوي للاسف انا اهلاوي
طيب متراجع نفسك وتنضم للفانلة البيضا
:)
____________________________
كلمات
انا سعيدة جدا بمرورك ومنوراني دايما
دكتور مستكنيص
منورني يا دوك
ومنتظرة اشوف اجاباتك
وراك وراك مش هنسى التاج
:)
منمن
ماشي ياستي .. تاج الجزييرة ان شاء الله في حياتك كدا
ارتعاشات
مش زي اجاباتك طبعا :)
ابو سويلم
مشكوووووووور
خفيفة من رقيقة مبقتش تفرق
سينا زي سونيا
:D
اولا السلام عليكم
بجد مدونه جميله جدا جدا
وردودك جميله وواقعيه كمان
واحلي حاجه انك زمالكاويه
بجد برافو علي انك زمالكاويه
تحياتي ليكي
طارق الزمالكاوي
انتظر الزياره
مدونة جميلة اوي بس للاسف انا اهلاوية بس مش مهم مش حنخسر بعض عشان الاهلي و الزمالك
تحياتي
اولا مبروك على البلوج
ثانيا انا نورت البلوج طبعا
ثالثا انتى مين
كان من زمااااااااان نفسى اشوف بنت زملكاويه بس اهم حاجه ماتخديش التاج التانى زى الزمالك
انا زملكاوية يا بيرو
و كمان ميزاان
هييييييييييه
----------------
ربنا يحفظك يارب
و يوفقك دايما
:)
شاب نفسه يحقق نفسه
وعليكم السلام
متشكرة جدا يافندم ده بس من زوقك
واحلى حاجة الناس الزمالكاوية اللي بدات تنورني
:)
عروس البحر
اهلاوية اهلاوية
احنا هنا بنوحد كل فئات الشعب
بريك
لسة معرفتيش بردو .. انا شرحت لكهرمانة تقريبا
اساليها وهي تقوللك
ahmaaad
اهو ربنا ماخلاش في نفسك حاجة
بنت زمالكاوية
والقادم اجمل
ايه الجمال ده زمالكاوية وميزان
بصرتين جامدين
ربنا يخليكي ويعزك يا حبيبتي
:)
اوك هبئا اسألها
حاجة غريبة جدا ردك عليا اللى مش باين دا
يا شيخة دا انا كنت افتكرتك مردتيش اهون بدل وجع النظر ده
أوك يا جميل ياريت تساليها
لأن كلامي كان موجه ليها هي
نورتيني وياريت أشوف ردك في باقي الموضوعات
:)
Post a Comment